嵐山電鐵 - 四条大宮站，算係我地的叮叮總站啦
京都 - 四条河源町 鴨川 (註: 川即係河流)
參觀完天龍寺後已經到7:00pm，諗住搭JR去京都站轉巴士去清水寺。
後來發現剛剛入寺的入場券上附有嵐山電鐵的車票及嵐山站內免費足湯。
再仔細睇睇，原來今年係嵐電通車100周年紀念，原本要200円一程，
持寶嚴院的入場券可以免費搭一程～咁張門券都算賺左100円！
之後就搭這百年電車去到四条大宮站，再行經河源町去八坂神社上清水寺。
400円一串的神戶牛串燒，唔知係咪真野呢，好似好平。
但食落真係熔熔地，好有牛味架！
我記得上一次去清水寺係近日落的時間，去到Ｄ舖頭都差唔到收曬。
難得今次二年坂、三年坂、清水坂仲咁多人，咁多野睇！
又見到炸薯餅，仲要係牛肉味 (註: 全日買左3個炸薯餅) orz...
去到清水寺，真係好靚～～係成個行程見到最靚紅葉的地方！
係無腳架的情況下，只係得呢幾張相可以見得人...
10:00pm離開清水寺，由於仲有兩個鐘先有夜車去新潟，所以連巴士都唔坐
直接由清水寺行返京都站
行經一間拉麵店叫左兩碗拉麵，就係我地全日第一個正餐＠＠
註: 今夜無酒店訓，要坐夜火車去新潟
下一頁...
請先 登入 以發表留言。